Shkolla jopublike “ Zani I Shkodres “ ,hapi dyert e dijes në shtator 2008 .Në këtë vit shkollor u mirëpriten nxënësit e parë,që do të hidhnin themelet e një shkolle të re jopublike . Hapja e kësaj shkolle e arsimit parauniversitar ,që mban emrin “Zani I Shkodres” u prit me dëshirë dhe vlerësim nga arsimdashësit shkodranë. Shkolla zhvillon jo vetem ambicie për qytetërim e dije por edhe vazhdim me dinjitet të një rruge të filluar që nga idealistët shkodranë të mendimit humanist të cilët mbollën në kohën e tyre në këtë qytet farën e dijes, duke e kthyer shkollën në djepin e arsimit shqiptar. Në vitin shkollor 2009-2010 shkolla mori dimensione të reja ,atë të kompleksit arsimor ,tanimë 9 vjeçar dhe e mesme duke rritur numrin e nxënësve në 131 nxënës….. Gjatë këtyre viteve ,shkolla është rritur duke zgjeruar aktivitetin e saj edhe në qytetin e Koplikut – Malësi e Madhe. Në të dy këto institucione arsimore , në themel qëndron synimi I stafit dhe nxënësve për të vënë në jetë kurrikulën më të re të arsimit parauniversitar….Kjo rrugë ka pasë dhe ka pengesat e veta ,hap pas hapi eshtë punuar e vazhdon te punohet me shumë koncepte ,qëndrime e sjellje që nganjëherë e dominojnë punën tonë por me maturi,durim e kujdes, që e botëkuptimi I ri, kohorja,modernia e mbi te gjitha “ligji “ duhet te jenë “zoter “ në këtë vatër të dijes. Në 10 vite jetë të kësaj shkolle kanë dalë breza nxënësish maturantë ,një pjesë e të cilëve kanë hyrë të suksesshëm në rrugën e jetës . Në shkollën “Zani I Shkodrës “ gjate viteve kanë punuar dhe drejtuar figura të nderuara të arsimit shkodran, gjithashtu kanë kontribuar në dije dhe në edukim të nxënësve, mësues me përvojë, sot dominon një brez I ri mësuese e mësues të talentuar dhe me dëshirë për të kontribuar në arsim në formimin e nxënësve me kompetenca…. Motoja jonë : Të bëhemi “ ZANI “ I dijes, mirësjelljes, edukatës, respektit, vlerës dhe I qytetarisë së vërtetë në Shkodër…